Curso em Segurança e Privacidade Digital para Jornalistas

Jornalismo e Mordaças na era digital

Ferramentas informáticas para a protecçom das fontes e o livre exercício da actividade jornalística

 

Em 2013, o “caso Snowden” comocionou o mundo em geral, e o jornalismo em particular, ao pôr de manifesto até que ponto as nossas comunicaçons e informaçons digitais som vulneráveis, mas também como ainda existe um periodismo de investigaçom capaz de revelar e enfrentar os mecanismos de controlo do poder. O trabalho de Laura Poitras e Glenn Greenwald -publicando e documentando a filtraçom de Snowden- nom teria sido possível sem o conhecimento e a utilizaçom de ferramentas de anonimizaçom e criptografia dos dados e das comunicaçons.

No estado espanhol, o controlo e a perseguiçom da expressom e a comunicaçom nom som novas, mas aumentárom nos ultimos anos a sua extensom e intensidade com a aprovaçom da “Lei Mordaça” e a abertura maciça de causas judiciais a raiz de publicaçons nas redes sociais.

A geralizaçom de ferramentas de registro, ediçom, publicaçom e comunicaçom digital facilita enormemente o trabalho jornalístico, mas também os ataques contra este, nas diversas formas de controlo, censura, boicote e repressom que a era digital permite.

O presente curso de 12 horas serve para apresentar os conhecimentos, os recursos e as habilidades básicas para a protecçom de fontes, informaçons e comunicaçons no contexto do trabalho jornalístico, assim como para evitar a censura da informaçom e da opiniom, tanto na fase de investigaçom como na de publicaçom.

Conteúdos

As e os assistentes aprenderám a:

  • Entender e analisar os riscos que podem ameaçar os dados e as comunicaçons em formato digital, e implementar estratégias para protegé-los.
  • Utilizar ferramentas avançadas de cifrado e ocultaçom dos dados e das comunicaçons.
  • Utilizar técnicas seguras de eliminaçom de dados.
  • Navegar por internet de forma anónima e cifrada.
  • Utilizar ferramentas com as que poder evadir a censura.
  • Implementar mecanismos para a recepom e para a publicaçom anónima e segura de informaçons.
Duraçom e horários

O curso tem umha duraçom de 12 horas repartidas em quatro sessons de 3h.
Desenvolverá-se nos dias 7 e 8 de Abril, em horários de 10h a 13h e de 17h a 20h.

É altamente recomendável que os assistentes levem ao curso os seus computadores portáteis.

Matrícula

O preço de matrícula para assistir ao curso é de 50 € (40 € para pessoas desempregadas). A inscriçom realiza-se através deste formulário web, e mediante o pagamento das taxas, por transferência bancária, ao número de conta indicado no e-mail de confirmaçom.

O curso tem um límite de 20 vagas.

 

[contact-form-7 id=”238″ title=”Matrícula no curso”]